講起4月份，即刻就諗起兒童節或者復活節，但其實仲有世界地球日，所以我哋特別準備咗一連兩日嘅 與世界童行環保嘉年華 ，同各位小朋友學環保玩遊戲，事不而遲，即刻同大家介紹有咩節目啦。 當日活動非常豐富，我哋會擺設地球的話展覽 ，到時可以寫低對地球先生的話，一齊為環保作出承諾。當然唔少得有趣又好玩嘅攤位遊戲，今次有回收物知多D 同埋環保拼拼樂 ，考考你對環保回收物嘅認識，仲有免費二手市集、環保工作坊同埋尋牛記準備同大家大玩特玩。 Mark低日子，到時見～ 注意事項： 1. 如有發燒或身體不適，請避免前往「綠在屯門」。 2. 活動期間需按職員指示排隊輪候。 3. 環保工作坊材料由「綠在屯門」提供，活動採用即場報名方式（先到先得，額滿即止）。 4. 免費二手物市集只會派發，不會進行收集活動。