From 朱芸編 IG @wanpinchu： 離開咗新蒲崗嘅工廈森林之後，今次我決定要去到遠離塵囂嘅小島 —— 長洲，舉行我接落嚟嘅第二個演奏會。 一直都好喜歡小島，喜歡佢同城市之間個段安好嘅距離。每次由城市搭船去小島，我都覺得好似係離開緊我原來嘅生活圈子，踏入另一種屬於別人嘅日常咁。作為城市人，望着窗外嘅城市風景漸漸褪去，慢慢被連綿嘅山脈同無盡頭嘅大海佔去視線，我感覺到一種出走嘅興奮。 每一程船，都係將人由原來嘅住處送往目的地；而每次來往小島同城市，都係經歷緊一次離散同重聚。暫別熟悉嘅日常同面孔，去到新嘅地方，重新認識新嘅人同事，亦會掀起各種情感。 喺今個星期五，適逢長洲太平清醮正日，我會喺我最鐘意嘅小島 —— 長洲，用二胡向你娓娓道來自唔同年代、屬於我哋所有人嘅散聚故事，同大家一齊重溫當中經歷過嘅不捨、難過、期待同喜悅。 二胡： @wanpinchu 鋼琴： @walterwongyuet 購票方法：填妥 Google Form ( https://docs.google.com/forms/d/e/1FAIpQLScxwXhJ0UGg-DEMJkit1R03dOrW3AEhxdHGSEq8YJtPvg5KXA/viewform ) 或 WhatsApp聯絡 Lorraine (6134 4045)，經 payme / FPS 付款或銀行轉帳後把收據 Whatsapp予Lorraine