以post-rock建構出空間與狀態，泰國樂隊INSPIRATIVE嘅音樂就好似一條時空隧道，無形無色，漸漸地便會發現自己墜入失真嘅狀態。常以8分鐘為一首嘅方式編制樂曲，係一眾INSPIRATIVE樂迷認同嘅黃金比例，節奏上嘅鋪墊不為倉猝，情感嘅流露亦顯得有始有終。今個暑假8月13日，佢哋將會嚟到香港MOM Livehouse出演，係post-rock迷不容錯過嘅一場。 //有人告訴我「當他感到無法思考時，他的頭腦很混亂，或者有一個問題傷害了他的感情。 他會點一支煙，打開這首歌，然後坐下來聽。」即使在今天，那個跟我說話的人已經離開了我的生活。我還是照他常說的做// 來自一名泰國聽眾嘅留言。 由2006年於曼谷作為Noppanan (Lead Guitar)嘅solo project，演變成2008年至今嘅full band，INSPIRATIVE喺呢15年間推出過三張專輯。其中最受喜愛嘅樂曲係《พื้นที่ว่าง》（英譯：Void）及《อุโมงค์เวลา》（英譯：Time Tunnel），若果未曾認識INSPIRATIVE嘅朋友們，我絕對建議大家聽嘅時候開埋Translator，獲取100%嘅感受。 係時候讓自己出走於一場意識嘅旅行，一場面對內在自己嘅對話，你得嘅回應會係困惑、喜悅、擔憂、憤怒、平靜？