有無試過同朋友分享你發過嘅夢嘅時候，佢哋都有發過類似嘅夢？ 我哋發現原來一個人嘅夢境，都可以同有「公共性」！！ #灣仔大夢2223 自從上年年底開始收集夢境，再同咁多位參加者 (aka.發夢人) 一齊回顧同重現自己嘅夢，將一齊創作嘅作品變成影像投射出嚟之後，我哋發現原來夢中嘅 #情緒 同現實中嘅 #人生經驗 係可以串連起嚟，製造大家都有共嗚嘅地方！ 嚟緊7至8月，我哋將會搞四場「 #清醒夢遊」導賞團，以「城市」與「人生」作為主題，同大家探索「夢」嘅公共性。一齊同我地發現更多嘅可能性丫～ 清醒夢遊 ① 夢境有意無意帶你重遊自己嘅童年美好生活、返學時期嘅瘋狂年代、返工嘅衝勁與歎息、家中無奈與爆炸、向重要嘅人說最後一聲再見⋯⋯喺不同嘅人生階段入面，你有狠狠地記住自己嘅情緒嗎？ 這場清醒夢遊導賞團串合各個碎夢，讓參加者們一夜極速走一次夢境人生，喺實地嘗試尋找、發現、觀察、梳理唔同人生階段需要面對嘅情緒。 挑戰你，來一晚人世清醒夢！ 清醒夢遊 ② 喺你夢中或現實前進嘅道路上，有沒有遇過隱形嘅石頭擋住你？ 我哋以夢境作為鏡子，檢視自己日常城市生活中或大或小嘅拌腳石。我哋希望同你夜間散步，鬆一鬆心情，撓過你心中嘅隱形石頭。