你知唔知道，以前香港嘅農⺠係用⽔⽜幫手種植⽔稻㗎？水牛有一個形影不離嘅朋友牛背鷺，佢哋會企喺⽜背上搵食同休息，但係受到⼟地開發影響，宜家愈嚟愈難見到水牛同牛背鷺嘅蹤影。木雕藝術家羅芷韻同陳子駿 Bespecial Wood Carving & Woodcraft 創作水牛木雕，仲帶領聖母書院嘅學生創作咗15隻牛背鷺木雕塑，希望透過呢組作品投射人類同動物一齊和諧咁生活喺自然嘅願景，同時藉水牛嘅現況反思人同大自然嘅關係。