《我的超豪男友》編劇炮製超踩界搞嘢之作！可宜（艾絲莉朴 飾）同露露（舒莉哥拿 飾）係一對由細玩到大嘅閨蜜，皆因兩人係美國小鎮唯二嘅亞洲女孩。露露原本就生於華人家庭，而可宜自細被白人父母收養，亞裔外表令佢同成長環境始終格格不入。直到一日，可宜被派去中國出差，點知對方竟然要可宜帶埋親生媽媽去派對先肯簽約！於是，可宜、露露連同明星舊同學姬芙（史蒂芬妮許 飾）、迷戀韓星嘅表妹「死魚眼」（莎賓娜吳 飾），四個大情大性嘅亞洲妹一齊踏上既癲且喪嘅尋根之旅，喺異地身心大解放，包保旅程夠爆笑、夠抵死、夠賤格！

---

電影資料 導演：林愛黛 主演：艾絲莉朴、史蒂芬妮許、舒莉哥拿、莎賓娜吳 片長：95 分鐘 級別：III 語言：英語