想體驗集休閒、教育及冒險於一身嘅旅程？咁就千祈唔好錯過海洋公園同 HKPA 香港遊樂場協會攜手推出嘅南區獨木舟生態體驗日啦！參加者唔單止可以划艇出海發掘大自然嘅奧妙，仲可以欣賞南區風景，就連細至6歲嘅小朋友都可以參加，一定會係難忘嘅夏日回憶！ 參加者先會喺海洋公園大樹灣碼頭，一齊學習獨木舟嘅基本功，跟住出發近距離觀賞天然海蝕洞，同大玩刺激水上遊戲，最後去到玉桂山同鴨脷洲之間嘅連島沙洲，欣賞南港島嘅海岸線，同遠眺南丫島添吖！ 成個旅程仲會有專業嘅生態導遊同大家分享南區地貌特徵，介紹香港嘅海洋物種，同埋講解海洋垃圾對海洋生物造成嘅影響。希望參加者可以邊玩邊學，同時為海洋保育出一份力！ 更多詳情：https://bit.ly/3D3LtMR