一提起大嶼山你會聯想到咩呢？天壇大佛？昂坪360纜車? 迪士尼樂園？其實除咗各色精彩嘅旅遊地點外，大嶼山係全港最大島嶼 ，早至石器時代經已有人居住，擁有多處歷史遺址，更「生機處處」，係各種動物嘅安樂窩。 大嶼山保育基金可持續大嶼 Sustainable Lantau 由即日起於618上海街地下活動空間舉辦大嶼百科世界展覽 ，為大家介紹有關大嶼山嘅大小事及了解基金旗下嘅 個保育項目。內容由歷史文化、生物多樣性，到自然環境、公眾教育推廣都有涉獵; 喺展覽你可以了解大嶼山嘅「十萬個為什麼?」： 點解大東山上有爛頭營？大嶼山獨有嘅盧氏小樹蛙係「現實版拇指姑娘」？濕地可以封印二氧化碳？依家仲有人喺水上生活？ 想知多啲？就嚟上海街欣賞大嶼山嘅各種面貌，一齊發掘大嶼山奇趣小百科仲有神秘小禮物 可以領取架！