女團XiX喺上年參加《聲夢傳奇2》獲得第4名之後，今年終於正式出道喇！呢5位年輕嘅女團成員個個都多才多藝喺比賽嘅時候已經備受注目，就連導師之一嘅Eric Kwok都係佢哋嘅粉絲嚟㗎～ 今個星期六夜晚7點，apm就邀請咗Xix嚟我哋嘅 #青春女團唱跳夜，到時除咗會派出舞蹈擔當同大家勁歌熱舞，仲有新鮮出爐嘅出道作品《SiS》兼同你哋大玩遊戲！今次亦都係Xix第一次以全新陣容出席活動，大家記住早啲嚟到俾心心支持呢隊新晉女團喇！