中秋節特別容易喚醒童年回憶，食完飯帶埋格離屋成家人落樓下玩燈籠，睇見石地樓梯坐滿街坊街里，一齊分享月餅曬月光，真係好回味。 隨住 #市建局 喺士丹頓街／永利街項目 (H19) 嘅唐樓群已經完成保育，位於華賢坊西、城皇街同永利街一帶社區而家可以話「靚到沊（音dum）一聲」！唔只似電影場景，簡直就係小編嘅童年回憶。 除咗保育舊樓，市建局仲喺嗰度進行「社區營造」，同街坊一齊打理苗圃、油靚壁畫去活化社區。今個中秋，一班街坊話要喺永利街食月餅聚舊，齊齊睇下而家社區變得有幾靚，仲話要擴大範圍，邀請埋所有嘅香港街坊一齊嚟玩?。 忘不了濃濃街坊人情味，今個中秋假期 ( 9月29日起至10月1日 )，#市建局 將會聯同 同心網絡 喺上環 #華賢坊西、#城皇街 及 #永利街，舉辦精彩嘅中秋節活動，包括傳統紙紮燈籠及印刷工作坊，猜燈謎贏燈籠、講故佬、懷舊金曲音樂會及懷舊小食士多等活動，畀大家約埋親朋戚友嚟盡興！ 想知嗰度靚到沊一聲有幾大聲？快啲去埋 開心建城 URAmity 嘅IG (https://instagram.com/URAmity)，欣賞更多嘅靚相啦！

---

2023年9月30日（星期六） 傳統紙紮燈籠工作坊 下午1:30至5:30 傳統印刷工作坊 下午1:30至5:30 樂隊表演懷舊金曲、講故佬說故事、街坊話當年 晚上7:30至9:30 永利街「扭」出懷舊小食 晚上8:00至10:00 猜燈謎 晚上8:00至10:00 石板及木版印刷展覽和介紹 下午1:30至晚上10:00 日期：2023年10月1日（星期日） 傳統印刷工作坊 下午1:30至5:30 石板及木版印刷展覽和介紹 下午1:30至5:30