四川與香港兩地攜手呈獻嘅「川燈耀香江2023－中秋國慶燈會」，於24/9-25/10喺愛秩序灣公園舉行。 燈會有多達11個主題創意燈組展出，包括寓意《天涯共此時》嘅池中巨型圓月 、嫦娥抱玉兔奔月 、李白 「舉杯邀明月」、《水調歌頭》詩畫、燈謎長廊等。其中亮點仲有別具香港特色嘅紫荊花 、電車 、帆船 ，以及四川熊貓 、火鍋、古蜀三星堆等造型花燈，為巿民呈現流光溢彩嘅視覺盛宴 。 趁住中秋國慶假期 ，大家唔好錯過，快啲嚟打卡啦 ！