精彩絕倫嘅廣東手托木偶粵劇演出示範返黎啦！ 手托木偶粵劇又叫「手托公仔戲」，主要喺打醮或廟宇開光嘅時候上演。雖然叫做「公仔戲」，但絕不兒戲，不但講求靈活地操縱木偶嘅頭部同手部，仲要表現出角色嘅情感，對師傅嘅唱功、步法同功架等等都有好高要求㗎！ 師傅嚟緊會喺油麻地天后廟同上環文武廟，示範廣東手托木偶粵劇嘅傳統劇目，大家記得嚟欣賞咁難得嘅演出呀！