仁愛堂一年一度嘅大型戶外籌款活動「仁愛堂慈善步行日」將會喺2023年12月9日（星期六）喺大埔海濱長廊舉行，我哋好開心邀請到Sanrio超人氣角色「Cinnamoroll玉桂狗」成為我哋嘅活動大使，Cinnamoroll將會參與慈善步行，一齊身體力行傳揚愛心！今次活動目的為「仁愛堂莊舜而醫療基金(治療癌症)」籌款，善款將會資助有經濟困難嘅癌症患者購買自費藥物，使病人得到適切嘅治療。 步行日路線全長約2公里，沿途除咗可以欣賞大埔海濱長廊優美嘅景色外，仲可以搵Cinnamoroll影靚相打卡，完成整個步行路線後，更可換取限量版Cinnamoroll精美禮品乙份！所有參加者更可以獲得豐富禮品包，包括Cinnamoroll帆布袋、清涼扇、小毛巾、掛頸卡套等限定紀念品。誠邀各位善長與親朋好友一齊參加，立即報名踏出愛心第一步 立即報名參加： https://charitywalk.yot.org.hk