同大家預告咗2個星期，迪士尼角色BE@RBRICK終於現身！今年係迪士尼周年，海港城就將兩大巨頭串連一齊，聯同MEDICOM TOY帶嚟大人小朋友都會喜愛嘅迪士尼主題聖誕活動「Disney 100 CHRISTMAS LOVE 2000% BE@RBRICK UP」。 100隻獨一無二2000%迪士尼角色BE@RBRICK模型 (成140厘米高！)會係商場唔同地點列陣，由港威商場到海運大廈地下中庭再到海港城美術館。 除咗打卡位，大會仲推出一系列限定商品 100%、400% 同1000% BE@RBRICK Gingerbread Mickey及100%BE@RBRICK Olaf 會係11月24日早上11點網上開賣， 需要係期間限定店 (海港城美術館) 取貨https://www.harbourcityonline.com/#harbourcity 而係期間限定店現場，就只會發售100% BE@RBRICK Olaf 、100% BE@RBRICK Gingerbread Mickey 同其他限定商品 今次活動之收益扣除部分成本後，海港城將撥捐「香港血癌基金」，秉承商場多年的聖誕送暖的傳統。