今年廟宇文化節以「神『祈』人生」為主題，帶領大家了解廟宇文化中，唔同神祇擔當嘅角色，點樣成為信眾人生路上嘅明燈，陪伴大家一路成長。 廟宇文化節活動相當豐富，包括綜藝表演、廟宇文化工作坊、廟宇導賞團、攤位遊戲、沙畫體驗館、神祇人生探索之旅，我哋希望透過咁生動嘅形式同大家互動，令大家了解更多廟宇文化。 ・廟宇導賞團・ 帶你深入了解沙田車公廟歷史、建築格局以及廟宇特色。想參加廟宇導賞團嘅朋友，記得要留意我哋之後嘅介紹喇！ ・神祇人生探索之旅・ 你將透過解迷遊戲以及不同指示去探索廟宇文化，找尋屬於自己嘅「神『祈』人生」 ! ・主題攤位・ 遊戲攤位分為四大區域，帶你發掘唔同成長階段中神祇們嘅重要角色。 ・傳統文化藝術工作坊・ 透過製作手作，了解當中的廟宇文化及藝術！工作坊包括： 中國繩結工作坊 賀誕花牌工作坊 獅頭掛飾工作坊 蓮花蠟燭工作坊 竹編扇子工作坊 沙畫體驗工作坊 每個工作坊名額有限，現場只有少量嘅即場參加名額，所以大家記得提早網上報名留位喇，到時見！ 工作坊報名連結：https://bit.ly/TemplesCultureFestival2023_Workshops 如工作坊/廟宇導賞團開始後10分鐘仍未到達活動地點確認出席，名額將會被取消。大會將有專人於稍後聯絡確認報名，如對報名有任何查詢，歡迎致電57210376與甄小姐聯絡。