社區保育活化 X 加樂泥等如咩呢？就係我哋"加樂泥"嘅年度盛事 ─「活化．活花」種植墟市! 今次我哋特別揀咗一個經歷活化嘅地方，就係剛剛被活化嘅粉嶺聯和市場 ─「聯和趁墟」。呢個墟市被列為三級歷史建築，佢嘅存在代表緊社區保育同活化嘅意義，就好似加樂泥對社區嘅角色一樣 ─ 轉化廚餘、活化土壤。 喺活動當日，大家唔單止可以了解聯和市場點樣再次融入社區，仲可以了解下點樣將原本只可以扔去堆田區嘅廚餘，變成對土壤同植物有益嘅加樂泥。除此之外，仲有植物領養、種植工作坊以及加樂泥優惠等緊你。 活動內容： - 植物市集：買返啲綠油油嘅植物返屋企過年。 - 種植工作坊：學習種植技巧及使用加樂泥，體驗種植嘅樂趣。 - 植物領養：俾植物一個機會，令佢成為你生活嘅一部分。 - 植料裸賣：原廠直售加樂泥，自備容器嚟買，價錢仲更抵添! - 加樂泥導賞：了解加樂泥嘅原理同用途。

---

當日會場會舉辦3個與別不同嘅種植工作坊，分別係： A. 日系Kokedama苔玉球工作坊 こけだまkokedama係一種盆景藝術，起源於日本江戶時代流傳至今嘅其中一種日式種植方法。佢以長滿苔蘚嘅土壤球當作器皿嚟栽種植物，植物喺其中生長，從而減塑。响呢次工作坊中，學員將學習使用苔蘚、日本赤玉土等天然材料創作屬於自己嘅綠植星球，導師亦會分享有關各款植物嘅養護經驗，令學員充分了解自己嘅苔玉作品。 時間：12:00 - 13:00 費用：$480/1位 人數：25 (額滿即止) 合作機構：莆町有限公司 ------------------------------------------ B. 多肉植栽體驗工作坊 喺「植栽療癒師」嘅指導下，教你挑選最適合你屋企入面養護嘅多肉植物，再選擇一個獨一無二嘅手作水泥花盆。過程中可以學到養護多肉嘅基本知識、處理植物技巧甚至繁殖方式。 時間：14:00 - 15:00 費用：$198/1位(中型盆栽—1個多肉) ; $298/1位(大型盆栽—5個多肉) 人數：25 (額滿即止) 合作機構：寸土 ------------------------------------------ C. 微景觀植物瓶工作坊 微景觀就係指一個培植喺玻璃器皿中嘅小型生態系。由於苔蘚同蕨類植物屬於陰生植物，對陽光需求唔高，適合喺室內種植，所以响生態瓶中，通常會用苔蘚嚟做「草地」造景，配合唔同嘅擺設(如小屋、碎石、小橋或微型動物等等)。參加者可以將微景觀 設計成不同嘅場景，表達個人嘅心情、想法以及同他人嘅關係。 時間：15:00 - 16:00 費用：$220/1位 人數：25 (額滿即止) 合作機構：緣木花園休閒農莊 ------------------------------------------ 種植工作坊報名連結：https://forms.gle/oGrD6EL3bSvwXe1v7 活動先到先得。收到報名後，我們將會以Whatsapp聯絡通知繳費詳情，繳費後需接獲我們【確認通知】才屬成功報名。