上Viagogo交易平台 (非官方) 購票 https://prf.hn/l/gx9aBV3/

2025年是Dear Jane成軍20周年紀念大日子，今日公布將於5月11至14日假紅館舉行 道地極品解茶系列呈獻《Dearest Dear Jane Live 2025》演唱會，與歌迷一起於紅館慶祝。優先訂購日期為 : 3月5 至7日，滙豐信用卡持卡人可於 HK Ticketing 網站及熱線進行優先訂購。

早前他們就為演唱會海報選址天台及樓梯拍攝，四位成員表示，「今次演唱會叫做 《Dearest Dear Jane Live 2025》， 海報概念有啲似係一封信或者一張明信片 ，似係歌迷寫信比我哋，又或者係我哋寫封信比歌迷，互相分享一啲感受經歷，都呼應返我哋第一個紅館演唱會名用寫信嘅下款 "Dear Jane Yours Sincerely Live” 去命名。海報喺樓梯影，可以話係代表住音樂里程上嘅每一步。（由樓梯走上天台係唔係完成目標？）唔係囉，哈哈！冇錯，天台係一幢樓嘅最高地方，但當你人在天台，你會望到對面有更多更高嘅天台。天台風景好靚，但音樂嘅里程，唔會只係停留喺一棟大廈，走完一幢樓，我們會走向另一幢更高嘅樓！而天台應該係比我哋間中走上來 take a break嘅一個地方，望一望呢個咁靚嘅世界，然後我哋又繼續向前行。」

Dear Jane對上一個紅館騷是2021年，四位成員表示 : 「四年無開紅館，今次準備先開4場，名為 ”Dearest” 是『最親愛的』嘅意思，我覺得如果你嚟我哋演唱會，就會搵到最親愛嘅朋友。你哋都係我哋『最親愛的』，我哋嘅歌亦都係你哋『最親愛的』！入面有好多故事，所以希望整個表演圍繞呢個主題。」

今次亦是紀念Dear Jane成軍二十週年，問到他們轉眼二十年，有什麼變化？Jackal (伍漢邦)表示，「好似都冇乜點變，都係對住呢幾個人去生活去玩，唔同嘅係多咗好多新歌，同埋回憶起以前嘅一啲舊歌，多咗好多唔同感受。」Howie (翁厚樑) 表示，「我記得剛剛組成樂隊嘅時候，Tim仲返緊學，依家都有自己嘅家室，有小朋友，呢二十年係人生嘅一段好長嘅路，我哋最希望喺歌迷嘅人生之中，我哋都佔咗一個席位啦！大家陪我哋走咗咁遠一段路，呢次演唱會係一個慶祝，一嚟來參一個派對！我哋有好多新環節準備同大家去表演，會獻唱我哋好多唔同年份嘅歌曲，音樂上又有新提升，我覺得會幾好玩！」

舊年阿Tim喺幾場不同演出上面都病過，今次演出之前Tim話希望唔好再中招， 「點樣保持健康？冇咩特別㗎，又唔會瘋狂操練，我地係用個腦去保持健康囉，哈哈。我地不嬲都係咁上下，燃脂就係喺騷上面發力燃燒自己啦，開騷前反而儲多啲能量，哈哈。」

Nice (黎俊華) 就表示，聽返《二十年後的歌》，覺得呢二十年都算成功，只係有少量一兩個 item未 checklist，其他大部份願望清單都完成到，而心境上Dear Jane 都無改變過，初心依舊。「咁多年我哋冇諗過目標要去到邊，我哋淨係想做好每一首歌，想上台唱到呢啲歌，令到大家開心，繼續無窮無盡，維持初心。有時都會諗，等自己老咗，呢啲嘅美好就可以留返第時瞓喺床上面慢慢回憶！」

update 29/9/2024:

Warner Music HK 在IG story中公布Dear Jane演唱會將會在2025年5月於紅館舉辦。

Dear Jane的第一首歌是於2005年推出的，不知不覺，他們明年就踏入二十週年的大日子，除會推出入行第十張專輯，亦會籌備大型演出，不過在大騷前，最希望弄個副歌秀做前奏，好話說：「一路好想玩場副歌秀，其實名都聶好，就係《Dear Jane One Night Stand 》，全場企位，一齊洪水，我覺得好開心，玩得開心，玩得開心，至少我喲幾個都好期待。”

．請勿誤信非官方售票渠道

Follow 埋 Timable 演唱會 FB 專頁：

https://www.facebook.com/timable.hk.concerts