籃球嘉年華盛事除咗有連場激戰同精彩表演，仲有一系列攤位活動同打卡位等大家探索！由球類、體能、協調到新興運動嘅體驗區都應有盡有，無論男女老幼都可以一齊動起來！

CMLN x 炫舞團 為連場激戰率先獻技

唔少大型運動比賽都會有啦啦隊表演亮相🤩，今次港台球動全城 3x3 邀請籃球賽 請嚟香港 #競技啦啦隊CMLN 同 中國 #炫舞團 兩隊國際級別嘅隊伍為賽事打氣，以音樂同動感舞步帶動大賽氣氛🎵💃🏻！

📣 香港競技啦啦隊 @cmln.cheerleading

CMLN係第一隊登上國際頒獎台嘅香港啦啦隊隊伍！隊員嚟自唔同背景：有學生、自由工作者、專業人士等，但佢哋都同樣對競技啦啦隊充滿熱誠🔥！

📣 #炫舞團

炫舞團嘅誕生源自CCTV節目「炫舞激情」，由一班熱愛嘅舞蹈啦啦隊女生組成，成立至今已經為超過5000場全國賽事表演，佢哋除咗係CBA球隊嘅御用啦啦隊🎖️，更加成為FIBA官方邀請嘅唯一中國啦啦隊表演嘉賓！

嚟緊3月9日下午3點，兩隊啦啦隊仲會快閃 #灣仔利東街 進行宣傳活動😍！