對上一次搞 <昨日公映>畫展已經係2018年

相隔咗6年後再搞多次😅

當年我初心畫港產片，係希望大家唔好忘記香港電影

因為嗰陣大家都對香港電影失去信心

我聽講有人甚至鄙視港產片

所以好想香港人可以撐番自己本土電影

6年過去，我眼見確實大家對港產片討論熱度多咗

亦都有好多叫好叫座嘅純港產片值得我去畫，去幫手宣傳支持

不過，香港嘅社會風氣同環境已經唔同咗

你當我悲觀啦😅我覺得做電影做創作比起6年前更困難

電影拍得到，都未必播得到，播得到都未上得到戲院🎬

所以我想再搞多次畫展，當作一個紀錄又好，一個歷史都好，至少留低佢存在過嘅證據。

有啲香港電影唔係睇完就算，要不停去回顧重溫重播先會成為經典。

source:YeungDraw 啊羊繪記(FB)