點滴是生命一年一度嘅慈善步行活動「AVEDA點滴揹水行」又嚟喇🎉！今年我哋首度走入愉景灣，同大家一齊揹住水步行3公里，為缺水居民籌款🙌🏼。

今年我哋希望為大家提供一個完整嘅「步行玩樂祭」體驗， 所以特別於路線終點設置嘉年華🎪，入面設有大型吹集彈床、攤位遊戲🪇、主題工作坊，以及抽獎活動，更首次加入市集，大家完成步行後，亦可以延續歡樂心情，於離島享受愉快時光✨。

點滴揹水行歡迎大人、小朋友及企業團隊參加，亦非常歡迎參加者帶同毛孩出席，沿途留下大小足印！🐾

約定大家，5月5日 愉景灣見！🎈