貓迷注意！由Persian and Exotic Cat Club主辦嘅「CFA冠軍貓展」將會喺呢個週末(20-21/4)，喺大埔超級城C區中庭舉行。

獲得飼主們悉心照顧嘅參賽貓貓✨，將會分為成貓組、絕育貓組、幼貓組同家貓組，並由嚟自外國及本地嘅國際級評判進行評選。今次會由邊隻貓貓獲得最高分嘅紫色彩帶🏅，敬請拭目以待！

除咗可以一次過免費睇到咁多隻冠軍貓貓之外，各位貓迷亦可從中了解唔同品種貓貓嘅特徵同習性📝，仲可以同貓友們聊吓「貓經」😼！貓迷們記得嚟捧場同打氣啦！

📣提提大家，欣賞比賽嘅時候，記得遵守大會嘅指引，等貓貓可以喺舒服嘅環境下比賽呀～想知更多可留意大會專頁 @Universal Feline Fanciers