update 6/6/2024：[場地升級！] 上次買唔到飛嘅羊文學fans, 今次最後機會買飛喇！由於早前門票開售反應熱烈，7 月 8 日嘅羊文学香港專場演出將升級至更大嘅場地 - 西沙 Go Park 嘅 AXA安盛創夢館，加推門票將於 6 月 7 日（星期五）上午 10 點Ticketflap 公開發售，大家記得較好鬧鐘，唔好錯過！已購買門票人士可持原有門票入場，更多詳情請留意電郵。

觀眾可搭乘巴士或小巴前往會場，有關公共交通路線詳細資料，請參閱場地 @axa_dreamland 社交媒體的交通指南。演出結束後，我們將提供免費接駁巴士從場館前往大學港鐵站或馬鞍山港鐵站，請聽從現場工作人員的指示搭乘接駁巴士。

Hitsujibungaku (羊文學)上年三月喺 Clockenflap 音樂及藝術節嘅演出成為好多觀眾嗰一屆音樂節嘅最愛演出之一，之前樂隊宣佈巡演時無香港站，好多樂迷都表示非常遺憾！好喇，you asked and we answered! 今年7月8號，The Vine，Hitsujibungaku (羊文學)Clockenflap Presents 香港專場確認！

人氣持續高企嘅Hitsujibungaku，作品風格多元，但始終保持住一種日本樂團嘅專業同精雕細琢 。具有穿透力嘅音樂精緻得嚟充滿力量感，時而好似陽光咁溫煦和暖、時而輕盈地刺痛人心。樂隊持續成長，無論作品定形象都越來越有大將之風，今次呢個場地規模嘅近距離演出真係唔知以後仲有無機會，所以記得搶飛。