香港文學舘喺5月底將入駐M7，更會為大家帶來連串與香港文學相關嘅精彩活動，其中第一波就有🌸「萬物有文 文裏尋花」🌸主題開幕展。

展期為三個月嘅「萬物有文 文裏尋花」利用M7建築空間配以香港原生植物🌿為設計靈感，運用不同角度及主題詮釋香港文學風貌。而位於M7 3/F 嘅常設展舘，則提供另一渠道給予公眾深入了解香港文學，在展舘你可以與金庸、張愛玲、梁羽生等文壇泰斗嚟一場邂逅；更可跨媒介欣賞源於香港文學嘅經典電影《傾城之戀》、《胭脂扣》等，從而感受香港嘅獨特創意。

想率先體驗香港首間以香港文學為題嘅展館？記得5月27日起嚟位於M7沉浸式睇展啦！