要玩轉個暑假容乜易，但要過得難忘有意義，就梗係同班同學仔一齊join個比賽熱血吓啦😍～^^

嚟自東華三院各中學嘅140多位同學，參加咗由 #市建局 夥拍東華三院舉辦嘅青年領袖計劃23-24，經過一系列嘅訓練同活動，包括應用地理信息系統（GIS）雞精班，仲去埋#市建局 嘅保育活化項目 士丹頓街 / 永利街（H19）實地考察，之後再發揮年青人最強嘅腦筋急轉彎能力🧠，研究出H19及618上海街項目嘅推廣計劃，藉此提升公眾對市建局喺保育同活化工作嘅認識 👍🏻！

喺首輪評審中脫穎而出嘅8隊參賽隊伍，佢哋嘅心血結晶已經喺 618上海街 展出啦！同學仲會親身上陣，同現場參觀人士嚟一場Chit Chat 同講解佢哋嘅保育活化推廣方案。唔止有得「聽」，仲有攤位遊戲畀大家玩，有機會拎紀念品返屋企㗎！

見到一班同學仔咁熱血，梗係要賞面支持啦～就算嚟唔到現場都總有支持嘅辦法，即刻撳以下嘅 網上投票link（傳送門：https://bit.ly/3WjxX29 ），喺7月10日截止日期前，揀出你覺得最正嘅推廣計劃啦！