8月31號，港摔15週年紀念大會 a.k.a 生日派對，陣容細節全公開！

話明15週年，當晚6場賽事，場場新穎鑊鑊金！

先有10幾年無見嘅港摔老朋友 Getter 嘅回歸！到底有咩事令到老朋友都要復出搞搞佢？再嚟丐幫+外援何顥麟，大戰外國勢力3人組 - 當中仲有一隻...貓？

跟住就精彩喇！無見一排嘅 AWGC 雙打冠軍腰帶將會以 Hardcore 賽事形式，由4路人馬爭奪！之後有歷史性首次喺香港舉行挑戰賽嘅墨西哥腰帶 - DTU 雙打冠軍腰帶。

仲有一條！就係雙方由 2023年10月大賽上開展糾纏，終於喺今次15週年大日子，AWGC輕量級現任王者 Ricky Marvin 與 Mikey Man 進行一對一挑戰！

登登登登登，壓軸大賽，係香港歷史上首次嘅職業摔角鐵籠賽，更係香港史上首次有墨西哥超大型組織嘅大人物 - 來自 AAA PsychoClown 參賽！

到底呢個鐵籠會係咩賽制？輸咗會有咩懲罰？

只此一晚，一個地方集合墨西哥、日本、中國、香港本地選手，呢個場面夠盛大未？夠 Party 未？買飛未？

Grab your ticket NOW!