喺呢幾年離散潮下，你經歷咗幾多次離別？

離別總有感傷，但留下來的，卻依然可以好好過日子。今次市集「換嘢一嚿舊——再見再見To-Gather」概念係包含離散三個階段：離別時嘅道別「再見」、暫別後嘅「再次見面」，以及思念同回憶將大家同離散者連繫嘅「To-Gather」。

我哋今次邀請咗唔同嘅特色檔主，從展示分享：#舊日香港相片，#在地南亞人小誌；到互動workshop：#穿珠、#自製咕𠱸、#移民boardgame、#扭蛋機、#離散詩句卡等；以及一連串特別活動同埋「換物大笪地」集散舊物，希望從唔同嘅舊物中，藉著交換、互動同故事分享，同大家細看「離鄉別井」嘅唔同面向，一同探索離散帶畀留下來的人嘅意義。

【其他市集特別活動】

#一人一故事劇場「說出您的再見」 ：現場收集故事，即席演出。每個再見都有溫度和份量，每份心情都值得被用心聆聽。

#界限書店讀書會 ：挑選離散讀物，與一眾「留下來的人」現場分享。以文字凝聚大家，創造一個可以隨意討論香港及離散經歷的地方。

#「毛孩x離散」分享會 ：唔少毛孩因主人移民或家中改變而被棄養。活動當日邀請毛孩團體分享散聚故事。現場仲會有「毛孩嘉賓」同大家見面！