全港智障人士總數估計約77,000 人至 90,000 人左右，普遍率為1% 至1.2%。大眾對智障人士嘅日常生活可能無太大認識。其實智障人士嘅家人需要長期花費心力照顧佢地嘅衣食住行外👚🍽︎，兩者無法有效溝通亦喺常見挑戰🗣︎，往往令雙方都承受極大壓力，甚至面臨情緒困擾😿。

有見及此，扶康會家庭支援服務於2021年正式投入服務，三年間已服務超過400 間特殊學校智障畢業生家庭，透過不同活動改善相關家庭嘅抗逆能力💪、提升智障人士於社區嘅生活能力，以減輕照顧者壓力，同時建立社區支援網絡。

中心將會於8月31日結束服務，但藉著618嘅藝術展覽同連串精彩工作坊，總結中心3️⃣年嚟嘅服務經驗、以藝術作品向外界展示智障人士家庭嘅心聲❤︎。而智障人士照顧者將作為工作坊義工導師，教授公眾人士以不同方式進行藝術創作推動共融，想參加歡迎嚟現場報名！