9月14日嚟南豐紗廠，有多個攤位遊戲同環保工作坊等你玩，當日我哋仲邀請咗星級活動大使Kay Tse謝安琪小姐同囡囡Kakaball現場同你分享綠色生活貼士💡！

一家大細可以邊玩邊學習點樣喺日常生活中實踐環保♻️，加埋一系列環保手作坊，包括「第二生命手指偶說故事」親手製作手指偶講故仔，同埋「夏日炎炎-竹編扇工作坊」製作具有文青氣息竹扇，又靚又環保。大家記得踴躍參加喇！

唔少得仲有市集攤檔，畀你入手一系列環保品牌同店主帶嚟嘅綠色產品，除咗支持綠色產業，亦可以透過慈善義賣支持香港紅十字會嘅人道工作，為社會上有需要人士出一分力。💪

仲有仲有~!!! 我哋「舊衣回收變身活動」優勝嘅小朋友，當日會著上自己設計嘅「舊衣變身」製成品喺台上行catwalk，展示佢哋嘅環保創意點子同成果！感謝各位Green Captain嘅努力，咁豐富嘅活動，支持環保嘅你真係不容錯過！

報名 | 綠色工作坊：https://s.redcross.org.hk/GMWO

*部分綠色工作坊需透過網上預約，工作坊人數有限，額滿即止！