如果聯合國要有一首主題曲，相信提名〈Seven Nation Army〉唔會有太多人反對 —— 尤其係冇歌詞大合唱版本。

獲ESPN選為十大體育聖歌，該曲自2003年推出後，為 The White Stripes 贏得兩座格林美獎，20年來喺唔同賽事盛事傳唱，進入串流時代依然能夠累積超過20億點播，而呢段洗腦旋律嘅主人 Jack White 歷年來亦以不同身份，贏得12座格林美獎座，成為家傳戶曉嘅巨星級結他手。

曾組 The White Stripes、The Raconteurs、The Dead Weather 等硬派樂隊，Jack White 除咗有一把相當易認嘅搖滾男高音，佢嗰手狠辣、兇暴、有如巨獸咆哮嘅結他演奏，先至係樂迷人生必聽必睇嘅金漆招牌。從藍調、garage rock、鄉村音樂等曲風中淬鍊出強烈個人風格。2012年發表首張單飛專輯《Blunderbuss》後開始涉獵更多元素，Jack White 今年推出嘅第六張個人大碟《No Name》，回歸其最擅長的原始藍調搖滾風格，能量及感染力爆滿，綜合樂評網Metacritic顯示各大媒體清一色給予正評，獲86分高度評價。

貴為當代搖滾旗手，Jack White 將會在 Clockenflap 2024 作歷史性首度香港公演，於週日主舞台壓軸演出！