由網路素人歌手，到成為負責《國王排名》、《機動戦士ガンダム水星の魔女》等人氣動畫OP嘅 yama，係日本「覆面系」歌手嘅最新銳代表；一如近年冒起嘅 Ado、Mission、真夜中等以不同方式隱藏面相嘅藝人，yama 同樣選擇隱藏個人訊息，以連帽衛衣x藍髮x白色面具形象示人，純粹用音樂與世界接觸。

憑住高低變化自如，時而慵懶時而充滿力道嘅超磁性唱腔，即使身份神秘但依然無礙 yama 爆速走紅。2020年，yama 以原創曲《春を告げる》主流出道，一舉登上Spotify趨勢排行榜首，至今已累積破億串流點榜。今年推出首張大碟《awake&build》後聲勢更盛嘅 yama 將於 Clockenflap 2024作首度香港公演，期待已久嘅樂迷梗係要嚟捧場啦～