日藉菲裔嘅獨立唱作歌手 ena mori 六歲開始學琴，原本篤定會朝古典音樂世界發展，但始終更鍾情於 Kate Bush、Björk、Debbie Harry 等兒時偶像，轉而希望成為具流行性又能夠自由展現個性美學嘅音樂人。

經過同名EP摸索風格方向後， ena mori 喺2022年推出首張個人大碟《DON’T BLAME THE WILD ONE》，收錄〈VIVID〉、〈FALL INLOVE!〉等熱門單曲，，其前衛嘅唱腔及狂野嘅舞曲節奏，被《NME》選為亞洲年度最佳大碟。自此佢備受國際樂迷以及業內人士注目，英美澳日韓等地都有她跑 tour 嘅身影。潛心創作嘅 ena 亦密密推出〈Heartache Generation〉、〈Trust Me〉以及與日本 Tomggg 合作嘅〈いちごミルク〉、〈nantene〉等多首單曲，進入上昇期嘅佢將會喺 Clockenflap 2024 作首度香港公演，千祈唔好錯過現場一睹呢位另類流行新星嘅機會！