高超結他技術加上可愛外型撞出超級反差萌，現居韓國首爾嘅 MEMI 去年發表於各大社交媒體瞬間爆紅嘅單曲〈Guitar Pick〉，由結他網紅一瞬而成當地搖滾新星，連 Limp Bizkit、Phoenix 甚至張震嶽都係fans。走紅得快，出歌更快嘅 MEMI 已發表首張個人EP專輯《M3MI》，除咗戰鬥能量爆棚嘅rock妹風格曲目外，為離世親人所寫嘅〈Sorry for my late reply〉亦得到廣大傷心人共鳴，喺Spotify上錄得近三百萬次串流點播。剛剛喺萬聖節前夕發表今年第二支單曲〈LOVE SONG〉後，話咁快 MEMI 就會喺 Clockenflap 作香港公演，記得留意呢位活力四射嘅結他手喺現場功力！