由觸執毛主音 Jan Curious 揸咪，加上爵士樂出身結他手 Teriver（張駿豪） 、兼備製作人／作曲家／鍵琴手多重身份樣樣精嘅 Sotoc（蘇道哲）及台灣樂隊八三夭前成員 Fish（黃子瑜）出任鼓手， R.O.O.T 抱承 “Running Out Of Time” 嘅宗旨，快快手出產多首遊走爵士、搖滾兼實驗不同曲風配搭，又能流行悅耳嘅出色單曲。由2020年開門作〈人間有愛〉即攀上「叱咤903專業推介」冠軍至同年勇奪「叱咤樂壇生力軍銀獎」，到與台灣鬼馬女伶 9m88 合作嘅〈Wanna Be Like You〉，再到去年發表嘅〈針對人類〉，R.O.O.T 嘅現場演出相比錄音版本更多變更具爆發力，記得要留意佢哋喺 Clockenflap 2024 嘅演出啊！