全城召集！你都想傳承獨特嘅譚仔味🤤？咁就要即刻嚟見工，只要完成以下面試考驗，就可以成為譚仔「辛」人，即場送你「土匪雞翼味鬆餅」，快啲嚟見招拆「椒」啦🌟～

👵🏻第一關：阿嫲執CV

見工第一步當然係執CV，化身譚仔姐姐，揀選你嘅專屬造型，製作一個見得人嘅Profile！

📝第二關：譚仔話落Order

之後就要測試一下你嘅譚仔話！總共三個關卡，由專家譚仔姐姐出題，參加者需要聆聽「譚仔話」並完成落單，達到指定分數即可過關！

🥵第三關：「職」時試辣挑戰

除咗要精通譚仔話，仲要對譚仔辣瞭如指掌！參加者需要用味覺分辨譚仔辣度，成功試出正確辣度就可以加入我哋！

🪪第四關：製作譚仔員工證

恭喜你正式成為「辛」人，快啲用相機即場影張靚相，製作你嘅專屬譚仔員工證啦！

完成所有關卡，仲可以去職場「辛」存之道，睇職場前輩教路🫶～再去埋「期間限定店」睇下有咩心水週邊💓兼免費換領「土匪雞翼味鬆餅」一個，譚仔迷絕對唔可以錯過！