北愛爾蘭出生，英國長大嘅港裔女生 Eva Liu 以兒時家中長輩嘅暱稱「妹豬」為代號，自2021年開始發表個人音樂作品，透過創作去探索多元文化背景對自身成長嘅影響，有時係坂本龍一，有時係電子遊戲音效，有時係父母開嘅中餐館，有時係 David Lynch 嘅電影《藍色夜合花》 —— 糅合成〈Talk to Death〉、〈zi oi 自愛〉等夢幻電跳嘅DIY流行小品。今年 mui zyu 推出第二張錄音大碟《nothing or something to die for》，於 Metacritic 上得到8.1分綜合好評，又再將其中五首改以中文填詞，變換成〈當娜喜歡寄生蟲〉、〈冷靜如青瓜〉等介乎半唐番與尋根之間嘅另類廣東歌，從香港人角度去聽特別有趣，千祈唔好錯過佢今次喺 Clockenflap 2024 嘅演出！