某晚沖涼時因為對時任男友身體有感而發唱咗幾句出口，繼而寫下〈點解好仔都系細J？〉，獨立唱作歌手 $alty Chick 鹽焗雞 於疫情早期發表一系列從女性角度出發，開放談論〈我唔要男人只係需要撚〉、〈今晚好想好想打俾你〉、〈All My Love is Pornhub〉等肉慾情感訴求，瞬速建立出風情萬種又常陷於情感漩渦嘅都會女子人設，喺本地樂迷間掀起一輪熱播。自言以「當出IG story咁樣生活有咩講咩」嘅心態創作，真身曾係街頭歌手嘅雞姐，起初採用易入手追求直白嘅說唱曲風，隨住分享交流程度深入，亦祭出更多時 folk 時 house 嘅樂種，表現出更立體嘅面向。

繼去年發表專輯《十個陌生的熟人》後，最近（非常最近）再推出第三張個人專輯《使人生change雞湯》，請各位務必喺 Clockenflap 2024 一睹佳人風采！