樂活草地又黎喇！✨

每年北區其中一個最令人期待，梗係由北區民政處及北區區議會合辦及民政事務總署贊助嘅『樂活草地
北區音樂遊藝會2024』喇🥁！今年嘅活動將會係12月28日舉行，今年一如既往有深受大家歡迎嘅手作工作坊、精彩嘅舞台表演，以及多個正嘢賣嘅跳蚤市場等大家黎行下🛍️！大家記得mark落schedule🗓️，12月28日（星期六）下午1:00至5:00，約定你地係上水鳳溪第一中學的草地一齊品味樂活心境，漫步嫩綠草地！🌱

【樂活草地 ‧「文青手作」工作坊】

每年樂活草地嘅「文青手作」工作坊都係深受大家喜愛💚！相信大家都好期待今年嘅手作工作坊，今年「樂活草地‧北區音樂遊藝會 2024」一共有5個免費工作坊！！即刻睇下點樣報名啦！✨

【「文青手作」工作坊】

1. 環保咖啡渣種植工作坊☕🍀

咖啡大家就飲得多啦，但其實咖啡渣入面含有豐富嘅營養素，係好適合植物生長㗎！將回收得黎嘅咖啡渣發酵轉化成堆肥，仲可以善用資源，為地球出一份力。

環保咖啡渣種植工作坊網上報名表格: https://forms.gle/Tn4F7VBvn9PdCT7o6

2. 乾花立體相框工作坊🌹🖼️

導師會教大家如何用乾花嘅配色同拼花方式，整一個乾花立體相框，既美觀又有創意！

乾花立體擺設工作坊網上報名表格: https://forms.gle/T1oQfctBHF6KMBYx7

3. 紙摺舞獅頭工作坊 🦁

舞獅大家應該就睇得多，唔知又有冇試過用紙摺舞獅頭呢？導師會教大家如何用紙摺舞獅頭，讓大家摺完可以送上祝福！

紙摺舞獅頭工作坊網上報名表格: https://forms.gle/nMYPx7jn562C87E78

4. 香薰永生花音樂盒工作坊 🌸🩰

想唔想親手製作一個充滿香氣同美感嘅音樂盒呢？導師會教如何揀香薰精油、搭配永生花，仲可以選擇你最鍾意嘅旋律添！

香薰永生花音樂盒工作坊網上報名表格: https://forms.gle/eCEH2tEusS5LEzaZ8

5.動物木雕工作坊 🐕🐕

在動物木雕工作坊中，導師會教授木雕的基本技巧，從選材到雕刻，比大家創作屬於自己獨一無二嘅動物雕刻作品！

動物木雕工作坊網上報名表格: https://forms.gle/dumtrPgYAKYJJKH36

【「文青手作」工作坊】報名方法

首先Follow我地樂活草地Lohas嘅Facebook
https://www.facebook.com/lohasmusicfestival/ 或Instagram
https://www.instagram.com/lohasmusicfestival/ ，再讚好👍工作坊帖子，然後Click 入工作坊Link報名就得喇。

由於名額有限，每節工作坊時段中會選出5名答題最具心思❤️及創意👍答案的參加者，可獲得工作坊名額。

*截止報名日期: 2024年12月17日 下午5時正

*每個工作坊只限預約一節，而每人最多可預約參加一個工作坊。

*6-12歲嘅小朋友想參加就必須有家長陪同，以兩人形式參與及共同製作一件作品。

*溫馨提示：工作坊製作過程需時及有相關的手作程序。

😊我地稍後會以電郵聯絡成功報名工作坊嘅朋友仔。如於12月20日或之前未獲電郵通知，即代表報名未能成功。

如果未能成功網上報名參加工作坊，可於活動當日中午12:45親身到現場報名，每人只限參加一個工作坊，先到先得，額滿即止。

活動內容如有任何更改，恕不另行通知。
如有任何爭議，主辦單位保留一切活動最終決定權。

【樂活草地 ‧ 表演嘉賓及表演團體】

【表演嘉賓】

樂活草地每年都會有好多精彩表演✨。而今年，我地邀請左三位超年輕實力嘅歌手🎤，包括Sherman 潘靜文、Rock 何晉樂 同 Pamela 趙小婷🤩!

如果想欣賞佢地嘅精彩表演，記住12月28日一定要嚟樂活草地玩呀🍀！

【表演團體】

之前介紹咗幾個嚟緊會喺樂活草地表演嘅歌手，但表演又點止得咁少丫😝？今年我地仲有無伴奏合唱𝐙𝐢⁴𝐙𝐢⁴𝐙𝐚𝐦⁴🎤、樂團表演KATER🎹、香港業餘管弦樂協會西樂演奏🎼、香港花式劍球協會花式劍球表演、激鼓樂社太鼓表演🥁、Rockz Element街舞表演🕺、李抒欣手碟演奏、魔術師Jane Kong🪄，黎為我地帶黎各種各樣充滿特色嘅表演項目，大家記得mark實schedule喇！🔖

【樂活草地 ‧ 跳蚤市場及遊戲攤位】

【跳蚤市場】

今年樂活草地新加左跳蚤市場🛍️！ 我哋嘅跳蚤市場將為你帶來多樣化嘅產品，包括環保清潔產品、布藝製品、手作飾品等等！🎁 凡喺市場消費嘅朋友，仲可以獲得上水廣場電子優惠券同可愛嘅聖誕小熊貓公仔！🐼✨ 數量有限，送完即止，並受條款及細則約束。快啲把握機會！🤩

【大型兒童遊戲】

今年樂活草地仲為大家準備咗各種大型兒童遊戲👧🏻，包括充氣棒球場⚾️，層層疊，大型俄羅斯方塊及其他兒童遊戲🎮，另外仲有扭氣球攤位、泡泡表演、小丑踩高蹺添啊🤡！所有活動大朋友、小朋友都可參加，咁難得嘅機會，當然要黎參與啦！ ✨

【特色文化攤位】

現場仲會深受大家歡迎嘅卡通人物速繪攤位🎨，幾分鐘就可以收到由速繪畫家為大家繪畫嘅精美人像畫㗎啦！另外仲會有三個香港嘅非物質文化遺產技藝攤位，包括茶粿製作技藝攤位、糖畫製作攤位同麵塑製作攤位！茶粿是客家人的傳統小食😋，我們特別邀請了導師到場講解與示範茶粿的製作。而糖畫是一項精緻的藝術，我們的糖畫師將會現場展示如何以糖作畫，讓你目到這項傳統技藝的魅力🙌🏻！最後，麵塑製作攤位也將帶來驚喜😝，讓大家親手看見師傅如何製作這些精美的麵塑作品。想深入了解香港的非物質文化遺產技藝，千萬不要錯過啊！👀

【樂活草地 ‧打卡位及紀念品】

【打卡位】📸

樂活草地有表演、有攤位遊戲、有工作坊，咁梗係唔少得打卡嘅地方啦✨，我地係上水馬會道17號鳳溪第一中學草地上面設有多個打卡位置，讓前來嘅大朋友同小朋友們都可以係唔同嘅打卡位置留低美好嘅回憶💚！到時打完卡記得po係IG同Facebook Hashtag番我地啊🤩！

【紀念品】🎁

今年我們準備咗防水野餐墊🧺，讓你隨時隨地享受野餐時光！記得一定要過來領取，帶返屋企呀！☘️☘️

除此之外，係場內跳蚤市場消費🛍️，就可以獲得上水廣場電子優惠券同可愛嘅聖誕小熊貓公仔！🐼✨ 所有紀念品數量有限，送完即止，快啲把握機會🙆🏻‍♀️！優惠券均受條款及細則約束

又有得玩，又有禮物🎁，仲有咁多特色攤位，快啲約埋朋友嚟玩啦! 約定你地，樂活草地見！

活動當日下午12:30至5:00每二十分鐘一班穿梭巴士接載參加者往返上水廣場～