大家有冇聽過英式鬧劇（British Pantomime）？

Pantomime（簡稱為Panto），又可以譯為「童話鬧劇」，係 英國傳統入面，聖誕節至新年期間演出嘅流行劇場～

內容主要為傳統童話故事，結合咗歌舞、鬧劇、笑話、互動等等元素，尤其適合小朋友同家庭觀賞！

呢個聖誕月，上海街工人戲偶團會為大埔藝術中心帶嚟廣東話版本嘅英式鬧劇：

《三隻小豬 2.0》大埔聖誕版演出！

想體驗吓廣東話劇場 × 英式鬧劇點樣演繹我哋耳熟能詳嘅《三隻小豬》？

呢個星期日，一家大細，一齊嚟大埔藝術中心嘅戶外活動空間觀賞啦！