闊別兩年～今年白紙市集再度係D2 Place One 舉辦~ ˗ˋ 除夕、花火音樂會.ᐟ‪‪.ᐟ

今年陣容，非常之鼎盛，邀請咗六個本地音樂單位同大家用音樂迎接新嘅一年，希望大家都可以用音樂送走今年唔開心嘅事情✨

₊⊹

除咗音樂會之外～我哋仲會聯成LLH Store 舉辦週年祭跨年市集，一齊慶祝LLH 十週年嘅生日，LLH仲設計咗好多新產品～係市集首賣！大家熱切期待一下吧！

今年除咗香港品牌之外，仲會有海外插畫品牌參加！

香港樂隊 HEDGEHOG 成立於2021年，其音樂風格主要受R&B、ROCK及FUNK影響，並一直於創作中探索聲音的可能性。

成軍半年內，已分別於兩個本地樂隊大賽中奪得冠軍和亞軍的佳績。憑着突出的現場演出實力，他們曾受邀參演《UNISON

FEST 2022》及 台灣「後台BACKSTAGE CAFÉ 」舉辦的音樂會，展開樂隊首個海外旅程。 2023年6月受邀成為「溫蒂漫步“HAVE A GOOD DREAM” 巡演香港站」開場嘉賓。

自2022年樂隊推出首支英文單曲《PARTY@0417》後，他們陸續與填詞人雷暐樂和混音師 HERMAN（樂隊THE HERTZ主唱）等合作，推出廣東歌作品《藍色時期》及《航行者一號》。最新廣東作品《對面海》更邀請 HERMAN 作 FEATURING，唱出城內人日復日乘車過海心聲，像刺蝟般外剛內柔，在城市中譜寫出每個人內心的共鳴。

外剛內柔，用音樂打動人心。

@hedgehogisgd