召喚有氣有力嘅山友嚟鉛鑛坳幫手搬！由後日聖誕假（12月25日）到下年1月11日，大家行山經過鉛鑛坳上大帽山⛰，可以一齊幫手搬，出一分力將用嚟維修麥理浩徑嘅物料，由鉛鑛坳搬上去標距柱M138 附近👍🏻 (大概上行320米)，等郊野公園嘅師傅之後可以用嚟修復山徑👍🏻！拎物料(存取處)同搬完放低(卸下處)嘅位都有指示，每人幫手拎每袋約1-2公斤嘅物料上山，就可以幫到手喇！唔該晒！

山徑大家都有份，行山時記得「行正路，護步道」🙌🏻