香港，係好多人「留低」難忘故事嘅地方。有人選擇帶住故事離開，有人決定留低延續故事，有人仲諗緊離開定留低呢個地方。你，喺香港又留低咗點樣嘅故事呢？

每個人嘅故事都好特別，好值得細聽。年廿六、廿七，我哋誠邀你哋嚟藍屋「樓底」，同一班留喺香港嘅檔主，互相細說同分享所珍惜嘅人、事、物。等我哋用故事交換物件、故事交換故事嘅方式，將每個留喺香港嘅獨特故事「留底」，並好好流傳落去。

今次我哋邀請咗好多特色檔主！#老正工作室 會有老友記嚟分享佢哋留喺香港故事，仲有#在地南亞人小誌 同#臨時庫存 展示唔同嘅舊刊物，等你嚟發掘。#石下詩會、#長夢書店 同 #窗口巷 都準備咗好多有趣嘅故事交換體驗俾大家！#藍屋居民 都會擺幾檔，分享佢哋昔今留低嘅藍屋嘅故事㗎！到時大家仲可以喺 #留低故事卡 寫低你嘅香港故事，試玩 #移民桌遊，並以 #揮春接龍 為自己同街坊送上祝福。

除咗以上特色檔主之外，仲有更多網上招募嘅創意檔主！有 #即場畫畫、#手寫字、#舊物交換、#特色手作、#塔羅占卜 等，每個檔主都有屬於佢哋嘅香港故事。等緊你去發掘！

今個新春，等我哋喺藍屋「樓底」相見，挖掘更多「留低」喺香港嘅故事！

預先登記（可即場報名）：https://forms.gle/nKtY2cnZGo22R4fx9