Update 3/3/2025:

［喵坊新廠開放日取消］

各位市民，我們遺憾地宣佈，原定於3月9日舉行的喵坊新廠開放日，因政府相關部門收到投訴，活動需要取消。造成大家的不便，我們深感抱歉。

如有任何問題，請在FB/IG INBOX我們查詢，謝謝。

我哋搬到坪輋新廠都有一年多時間，終於迎接新廠第一個開放日喇！

嚟緊 3月9日 星期日，喵坊將會開放坪輋廠房供公眾參觀，將大家帶來嘅回收紙品開機打漿處理。同時街坊們亦可參觀喵坊廠房、紙包盒教育中心、仲有唔同景點畀大家打卡～亦有喵坊各種產品 …… 到時自己嚟睇啦 !

咁當然唔止參觀咁簡單，我哋亦準備咗唔同嘅活動畀大家玩～教育中心全日會有唔同嘅工作坊（玩啲咩暫時唔講住，總知就好玩啦）～當日喺1100同1430亦會有喵坊導賞團，畀大家用另一個角度參觀廠房，無論你係一家大細、放假嚟拍拖、定係行完山經過都好觀迎大家參與！

同時間，除咗一般回收之外（紙類，如乾淨紙包盒、廢紙、書簿雜誌、報紙、膠面/硬皮書、廁紙筒等)(膠樽、金屬罐、電腦/平板等），當日仲會回收純棉麻製品、小型電器、電池、利是封同盤菜兜，亦有大量經喵巴士回收的圖書及物資，希望大家幫忙清晒佢！🚌🚌

其他活動：參觀教育中心及短片播放、喵坊珍藏展覽、綠色夥伴攤位、與環保超人合照等等