萬眾期待嘅快閃圖書館又出動喇🤩！今次我哋會帶一系列「與龍共讀」嘅精彩活動到訪屯門同黃大仙區，有興趣嘅朋友，記得mark實日子，齊齊以書本揭開龍嘅神秘面紗！

快閃圖書館精彩活動：

1️⃣「喜」動圖書館🚚： 車上有大量好書任你借，記得帶埋香港公共圖書館圖書證上嚟借書啦！

2️⃣與「龍」共讀區暨書籍展覽📗： 想探索有關龍嘅奇幻故事？一於閱讀同龍相關嘅書籍，展開旅程啦！

3️⃣圖書館電子資源體驗🖥️：即場試用公共圖書館豐富嘅電子書資源同電子資料庫，有任何疑難即時為你解答！

4️⃣各項閱讀遊戲及故事手工創作：有8條巨龍話要挑戰我哋～即刻展開呢場龍之對決！

5️⃣桌遊天地🧩： 多款桌上遊戲畀你玩，為週末加添樂趣！

🌟 是次活動，仲有兩大特備節目：

📖 故事大使講故事： 由故事大使帶領，一同走入龍嘅奇幻世界！

🐲「龍的傳人」舞龍文化體驗班： 一邊睇表演，一邊學舞龍，感受傳統文化魅力🏮～