保良局一年一度嘅慈善步行將會喺3月16日喺沙田舉行！沙田唔單只係熱門嘅假日踩單車🚴🏻勝地，仲係戶外步行🚶🏻嘅好去處🤩參加者會由沙田馬場出發，步行至沙田公園，全程6公里，並會途經各個沙田特色地標。參加者可以一邊打卡📸，一邊𣈱玩沿途上嘅遊戲🎈。而步行吉祥物「愛心小保」仲會以神秘方式😎同大家打氣！

步行除咗有益身心之外，更有助減少碳排放👣！淨係呢6公里嘅路程就已經可以減少1.42公斤碳排放量；以8,000位步行者計算，即係足足減少11,360公斤嘅碳排放量😱！誠邀大家行晒全程，再玩埋終點「低碳生活嘉年華」🎪，一齊宣揚環保訊息，為保護地球出一分力♻！齊齊做低碳愛心先鋒💪🏻

無論係個人、家庭、團體或者企業，誠邀您支持「保良局慈善步行」，所有善款收益將支援保良局轄下逾300個服務單位經費，推動正向精神健康計劃，請大家多多支持💌！