大家嚟「2025 香港閱讀+」嘅時候，千祈唔好錯過同期舉行嘅［故宮館藏 x 香港非遺］展覽。呢項展覽由香港出版總會聯同深圳讀書月組委會合辦，並得到深圳市委宣傳部嘅協助，早前喺深圳成功舉行。喺文創產業發展處嘅資助下，展覽嘅部分精彩內容將移師到香港展出，當中包括八幅來自北京故宮博物院嘅精美畫作複刻版，以及近50件香港非物質文化遺產作品，大家記得把握機會去欣賞呢批珍品啦！