香港建造業近年大力推動BIM（建築信息模擬）嘅培訓同發展，致力於令更多年輕人及學生，從小認識同學習BIM，一齊改變建造業嘅未來～

為咗將BIM嘅科技及應用分享俾更多人知道，我地將會喺 時代廣場 一連七日展出 「全港中學 STEAM x BIM 建造模型創意設計比賽 2024」 嘅優勝作品 ！比賽係去年底進行，一眾充滿創意嘅中學生首次以「Glamping 奢華露營」為創作主題 ，發揮創意將「組裝合成」建築法（MiC）概念 ﹑建築信息模擬（BIM）技術嘅知識實踐應用，並以3D打印原型，將理論與繪圖變成一件件出色嘅作品。展覽現場仲會派發精美紀念品，同埋有「AI 人工智能x 3D 打印」互動體驗俾大家試玩，製作自己專屬嘅3D 打印匙扣，探索創新技術所帶黎嘅創造力！歡迎嚟時代廣場欣賞同學仔嘅作品，支持香港年輕一代嘅創新思維同建造夢想，一齊了解吓建造業嘅創新發展啦！