為慶祝「法國五月美食薈」呢個以法國美酒佳餚為主題嘅盛大節日， Peak Galleria 山頂廣場 3樓觀景台將變身為「法國五月美酒與美食市集花園」，將法國美酒美食介紹俾大家！現場仲有唔同嘅靚靚打卡位、表演同埋工作坊，唔使搭13個鐘飛機都可以偽遊法國！

活動推介：

花園主題花車打卡位｜充滿法式風情嘅大型花藝裝置，建議著白色穿搭嚟打卡！

Perrier花園&工作坊｜用Perrier氣泡水整特色雞尾酒，過一個微醺嘅法式假期！仲可以參加Perrier瓶身彩繪工作坊自製藝術品！

法國葡萄酒 & 香檳攤位｜精選超過100款美酒，試飲完鍾意仲可以成支買走

雞尾酒攤位｜每日下午4-6點有調酒師即場調製法式雞尾酒，仲有用香港品牌「五味雜陳」同Meukow干邑特調款式

美食攤位｜法式三明治Croque Monsieur、黑松露芝士輪意粉、法式烈酒雪糕奶昔...諗起都流晒口水！

工作坊｜創作個人化嘅瓶塞公仔，或者加上花藝設計整得意擺設送俾另一半，夠晒浪漫又有心思

現場音樂 ｜每日手風琴演奏揭開序幕，週六有DJ黃志淙博士打碟，週日仲有法國Murphy and the Lawyers樂隊演出，充滿法式情調