炎炎夏日喺室內歎冷氣就最好！又歎冷氣又有活動玩更加好添啦！今個月Fit Mark Event「全城舞動迎盛夏」動感嘉年華將會登陸愉景新城中庭草地，無論你係天生嘅舞蹈魂，定係想同屋企人放電、體驗吓跳舞嘅樂趣，呢度都絕對啱晒你！除咗嘉年華之外，仲可以報名參加「全城舞動迎盛夏」快閃齊舞動，欣賞唔同跳舞隊表演之餘，同埋同佢哋跳埋一份！有得睇、有得玩，相信大人同小朋友都會玩到樂而忘返，仲可以喺舞動中釋放壓力，感受夏日嘅無限熱情！

跳舞又點少得「Dance Battle」呢？凡18～60歲舞者都可以報名參與「全城舞動迎盛夏」Move the City Dance Battle！組別分為「1on1 Breaking Dance Battle」、「2on2 All Style Dance Battle」，獎品相當豐富，各位舞林高手唔好錯過，立即報名參加！

召集各路有膽識嘅型男型女！一齊嚟舞台上面BATTLE吧！

我哋社區體育部一路都舉辦過形形色色唔同嘅運動比賽！今次終於到Dance Battle 唔講唔知原來Breaking 霹靂舞早喺2020年12月已經確認為奧運嘅新增大項。Breaking仲喺2024年夏季奧林匹克運動會霹靂舞比賽首次登上奧運呢個大舞臺！有見及此，我哋今次Dance Battle，會上演同奧運一樣嘅 1on1 Breaking Dance Battle俾B-Boy 同B-Girl嚟個大決鬥！除此之外，我哋今次仲有2on2 All Style Dance Battle組別，等各路高手都有得展現自己！大家快啲捉埋自己嘅朋友上我哋嘅舞台同其他高手切磋切磋啦賽制及賽程：bit.ly/3FBPPiS