感謝 AEON Stores Hong Kong全力贊助，透過「拾起希望 - 海岸清潔大行動」，我哋呢兩個月都會去到香港唔同角落進行海岸清潔活動，以推動愛護環境的訊息。

我哋喺過去嘅海岸清潔活動所發現嘅海洋垃圾，可以話係包羅萬有。所以我哋決定將海廢由沙灘帶入展覽廳 饒宗頤文化館 Jao Tsung-I Academy，俾大家可以觸近距離接觸海廢，了解吓海洋嘅污染程度！展覽當日，我哋仲會舉行《塑料王國》放映會，會後有導演參與映後分享環節。《塑料王國》係一套有關中國塑膠廢棄物產業嘅紀錄片，揭示咗廢棄塑膠對回收從業員嘅影響。想知道海入邊究竟會有啲乜嘢奇怪垃圾？對《塑料王國》呢套紀錄片有興趣？快啲嚟參觀我哋嘅海洋廢物展覽啦！費用全免㗎！