簡單說：去年《龍虎巡迴》後好攰，工倆聚頭時間甚少，所以本身今年不想多演。目前我倆在蒙特利爾排練同寫歌，簡單安排加國三城演出。七月返京繼續寫歌就其他從簡，亞洲只會有香港和首爾兩場演出。

小故事：話說去年工工工第一次去韓國演出，由當地老牌DIY搞手 @parkdaham 負責，當時佢話因為你地樂隊人少，所以想搵個9人樂隊幫我地開場。。。其實當我地當時覺得好無稽，唔想開場樂隊大聲過我地，但人地堅持話搵我地都無得拒絕。結果係，呢隊叫 @ureuk_gypsies 우륵과 풍각쟁이들（Ureuk & the Gypsies）既新樂隊真係嘈到CLS，但好聽亦非常獨特。

無後續：一直想介紹 우륵과 풍각쟁이들 卑更多人識，但因為佢地人多，外出演出成本貴，又未有正式出過唱片，好難卑到更多既人知道。今次安排 工工工 返港演出霖左兩個禮拜都係覺得，香港既工友應該會鐘意佢地，所以都係決定叫埋佢地一齊，變成我地兩隊兩城既小巡迴。

介紹返：우륵과 풍각쟁이들（Ureuk & the Gypsies）來自首爾，係一隊揉合韓國傳統音樂（Gugak/國樂/국악）既先鋒爵士團體。最多既時候會有九人，今次佢地將會以六人陣容首次在韓國以外演出（請鼓掌）。按佢地既講法：「우륵과 풍각쟁이들 係一個精通 Gugak 和 爵士 既 “雙音樂語言“樂隊：結構和流向同在、律動和自由並濟。自2023年起，우륵과 풍각쟁이들（Ureuk & the Gypsies）低調發佈了幾個現場錄音，但已經被 Bandcamp Daily 選為當年二月份最佳爵士音樂。http://ureuk.bandcamp.com/

因為要空運6個韓國人來港，機票酒店簽證成本有數得計，呼籲大家儘早購票支持，多謝先！

．請勿誤信非官方售票渠道

Follow 埋 Timable 演唱會 FB 專頁：
https://www.facebook.com/timable.hk.concerts